RAG SINDHI

 नई आहे नितु नाज़ वारनि जी बो॒ली - नारायण 'श्याम'   नई आहे नितु नाज़ वारनि जी बो॒ली निगाहुनि,अदाउनि, इशारनि जी बो॒ली मिठी आहे कोयल जी कू कू मिठी आ मिठी आहे सचु बेकरारनि जी बो॒ली खिज़ा हालु ओरे त कंहिं साणु ओरे  सभेई सिख्या जे बहारनि जी बो॒ली मिटीअ जे जरिन जो त कुझ हाल सलि तूं  दुखी नाहे समझणु सितारनि जी बो॒ली अला इअं न थे जो किताबनि में पढ़िजे  त हुई सिंधु ऐं सिंधु वारनि जी बो॒ली          नारायण 'श्याम'

हिकु ग़ज़ल - हिकु नई कविता  - वासदेव मोही  अखि (ग़ज़ल) मां अकेलो हितां इऐं कड॒हिं कोन थिए, तुहिंजे नेणनि जो जोड़ो सदा गडु॒ हुजे । केडो॒ काजल लग॒लु, पो बि उजलो लगे॒, अखि जी जादूगिरी, इऐं हली थी वञे । धुंध ई धुंध, चौतरफि माक पेई वसे, अखि तुहिंजी तिखी उस जो डे॒खु डे॒ । इऐं सुकल खूह ज्यां आहे तुहिंजी निहार, पर अखियुनि में डि॒से मस, बुड॒ण थो लगे॒ । ज़लज़ला पिया थियन मुल्क में, हुनखे चओ, तकिड़ो तकिड़ो अखयुनि खे छिंभणि बंदि करे । रोज़ु दड़िका सहूं अखि जा इन आस में, मुमिकिनि आ अजु॒ टांडो थधो थी वञे । सारो वहिंवारु जग॒ जो हले अखि सां, अखि खुले सुबुहु, पलिकूं झुकनि जगु॒ सुम्हे।  - वासदेव मोही  बहेतरीन ग़ज़ल, सभई शेर अखि ते आहिन पर हर शेर मे अलग भाव आहे हर शेर जो पहिंजो वजूद पहिंजो अलग द्रष्टिकोण आहे । रिश्तो (नई कविता) बाबो, ॻोढ़ा ॻाड़ण ते सख़्तु चिड़न्दो आहे मामे जे घर जो दरु रंधिणे जी दरीअ खां नज़र ईन्दो आहे रोज़ ॾहें बजे मामो आफ़ीस लाइ निकिरन्दो आहे अमां दरीअ वटि बीही बसर वढीन्दी आहे वर्हियनि खां ॾहें बजे मां साॻियो नज़ारो ॾिसन्दो आहियां अमां बसर वढीन्दे ॻोढ़ा ॻाड़ीन्दी आहे। ...

इरादनि जे आडो॒ - हूंदराज बलवाणी Sindhi short story by Hundraj Balwani  काके उन वक़्त घणो मूंझारो महिसुस कयो हो । वञां या न वञां जी बु॒डि॒तर में हिन तड॒हिं  पूरा ब॒ डीं॒हं लगाए छडिया हुआ ऐं पोइ बि को फैसलो न करे सघियो हो । पर बइद में हिन जड॒हिं फैसिलो करे ई वरतो त खेसि पाण खे ई अजब लग॒ण लगो॒ हो त इन में बु॒डि॒तर वारी गा॒ल्हि ई कहिड़ी हुई?  काके खे दिहलीअ मां हिकु ख़तु मिलयो हो । वडे॒ पैमाने ते स्वतंत्रता सेनानियुनि जो सन्मान थियणो हो । काके खे बि उन प्रोगाम में शामिल थियण जी नींड मिलयल हुई । इहा ख़बर सभ खां पहिरीं काके जे वडे॒ पुट घनश्याम अची खेसि बु॒धाई हुई। दिहलीअ मां आयलु ख़तु बि हू ई खणी आयो हो।  सन्मान वारी गा॒ल्हि बु॒धी काको चङीअ देर ताईं त वीचारनि में खोहिजी वियो । आज़ादीअ जी हलचल वारा डीं॒हं खेसि याद अचण लगा॒ ।  उहो बि हिकिड़ो वक़्त हो जड॒हिं कुइट इंडिया जो नारो भारत जी कुंड कुढ़छ में गूंजण लगो॒ हो । कईं नौजवान आज़ादीअ जी हलचल में काहे पिया हुआ । हज़ारें माताउनि-पिताउनि पंहिंजा पुट विञाया हुआ। सजे॒ भारत में घणनि लाड॒लनि पंहिंजूं जानियूं डि॒नयूं हुयूं । सि...

१)  मां अकेलो हुजां इऐं कड॒हिं कोन थिए तुहिंजे नेणनि जो जोड़ो सदा गडु॒ हुजे  - वासदेव मोही  २) हुयुस जेकी दिलमें चवे हा, त छा हो  करे गा॒ल्हि पूरी उथे हा, त छा हो  - कैलाश शादाब  ३)  बे॒ड़ी काग़ज जी तारी आ तड॒हिं खां तोसां यारी आ रांदियूं रूंदियूं ऐं ठेंग टुपा,  सिलसिलो अञा उहो जारी आ  -श्रीचंद दुबे 'जिगरी' ४)  की खिलाया बि॒यनि खे, अव्हीं पिण खिलो टहिक जो टहिक सां जिअं जुड़े सिलसिलो जे नथा गडु॒ हलो, जे नथा हथु डि॒यो थोरो ओरे अचो, जिअं वधे हौसिलो - मोती प्रकाश  ५)  गुज़िरीअ खे करे यादि वरियो आहि न वंरदो हर फीक्र जे दामन खां छडायो त अचे निण्ड  डु॒ख दर्द जी दुनिया जी हकिकत खे भुलाए हिक ख़्वाब मां बि॒यो ख़्वाब उणायो त अचे निण्ड  - वासदेव निर्मल  ६)  लगा॒ जे दाग़ दर्द जा, लिकाइजिन त मुर्क सां मगर जे मुर्क दर्द जो करे बयान, छा कजे  सुंदरी उत्तमचंदाणी  ७)  हू ठही पो वरी था विढ़नि पाण में डोर सां कहिं ब॒धल था लगनि पाण में कीन सम्झी सघिया हिक बि॒ए खे कड॒हिं हिक पिरोली ठही था रहनि पाण में - विनो...

आखिर छो....?                          अजु॒ TV समाचार चैनलनि ऐं सोशल मीडिया जे हर हिक प्लेटफार्म ते फिल्मी दुनिया जे मशहूरु एक्टर *सुशांत सिंह राजपूत* पारां फांसी लगा॒ए करे आपघात करण जी घटना जी चर्चा हले पई थी. हीउ हृदयविदारक घटना बु॒धी करे मन में हिकु सुवाल उथियो आहे, आखिर छो ?                चयो वेंदो आहे त इहा अमुल्ह मानुष जीवनु घणेई योनियुनि जा चक्कर लगा॒इण खां पोइ मिलंदो आहे. हर कोई माण्हू बि॒ए कहिंसा प्यार करे न करे पर पहिंजे पाण सां प्यारु जरूर कंदो आहे. अहिड़ी सोच रहण खां पोइ बि अगर कोई माण्हू अहिड़ो कदमु खणदो आहे त मन में सहज ही सुवाल उथंदो आहे , आखिर छो ?                   सुशांत सिंह राजपूत हिकु कामियाबु ऐं हर दिल अजीज अभिनेता हुओ, उन जी हर हिक फ़िल्म सफलता प्राप्त कई हुई. सब कुझु हासिलु हुअण खां पोइ बि आखिर छा वजह हुई जो उन अहिड़ो घातक कदम खंयो ?                वजह छा रही हूंदी , इहो त ...

चेकबुकु रोज़ु सुबुह जियां अम्बीबे॒न जा गीता ऐं रीटा खे उथारिण लाइ वाका जारी हुआ। सिजु चड़िही आयो आहे, ही खट छडी॒न ई कोन थियूं, होडां॒हं हिनन जूं आंटियूं थोरी देर थियण ते हो हा मचाईदियूं, माई कान आई आहे, माई कान आई है, सजी॒ सोसाइटीम खे फ़ोन फिरी वेंदा । हिनन महाराणियुनि खे त पंहिंजी इज्जत जी पेई कान्हे, मुंखां त हिन उम्र में कंहिंजी तूतारी कान ती बु॒धी वञे, अड़े ओ गीताड़ी, उथ हाणे! रीटाली! हुन जी नासुनि में गिलोड़नि खे तरो लग॒ण जी गं॒धि आई त हुन डोड़ी कोठीअ जी कुंड में ब॒रंदड़ि इस्टिव जो बा॒रण घटि कयो, देग॒ड़े में केवी घुमाई। हुन रमणे जी खंघकार बुधी । हू मंजीअ ते ऊँधो थी सुम्हियो पियो हो । हुनजी गहिरी निंड मां लग॒सि त अञा कंतरीअ (देसी दारु) जो असरु लथो कोन हुअसि । काम का न काज का, ढाई लिटर दारु का, हुन सोचियो । हू सिर्फ ब॒ कम ई कंदो आहे, रोज़ु पैसनि लाइ मूं सां हथु आज़माइणि ऐं कहिं तरह, बारहनि घरनि में हड टोड़े बासण बु॒हारी करे आंदल मुहिंजनि किन नोटन ते क़बज़ो जमाऐ कंतरीअ जूं थेल्हियूं डो॒घणि, हिन जो सोच जारी रहियो । हिन याद करण जी कोशिश कई, कडहिं खां, याद कोन आयुसि । हुन खे लगो॒ त हुनजी...

दोसतो ऐं अज़िज़ु पढ़ंदड़, हिन आर्टीकल में असां Time Management जे बारे में सिखंदासीं उमेदि आहे त तव्हां इन खे पसंदि कंदा. छा तव्हां वक़्तु जा पाबंदु आहियो?  छा तव्हां पंहिंजो कमु सही वक़्तु जे अंदरि ख़तमु कंदा आहियों ?  छा तव्हां पंहिंजो कमु या पंहिंजी रिपोर्ट वक्त ते मुकमिलु करे सघो था ?  तव्हां पंहिंजो कमु डेड लाइअन खां अॻु करणु चाहियो था पर छा इअं करे सघो था ? जेकॾहिं उन्हनि मां कंहिं जो जवाबु न में आहे , त उनजो मतलबु आहे त तव्हां पंहिंजे Time खे सही नमूने manage नथा करे सघो. अजु॒ जे तकडे़ जमाने में हर कोई माण्हूं डुकी रहियो आहे पर हिकड़ी गा॒ल्हि सभनी जे वातां बुधण मिले थी टाईम कोन्हे पर सची गा॒ल्हि त इअं आहे जे माण्हूं 24 कलाक जो सही आयोजन करे पहिंजी चिंता छडे॒ थो सघे. Time management लाई थोडी Tips पेश आहे, जहिंजी मदद सां वक़्तु खे सुठो मैनेज करे सघजे थो.  - रोज पहिंजी daily routine ठाहियो, रोज सुबुहु जो या राति जो सुम्हण खां पहिरियां सजे॒ डींहुं जो आयोजन करे वठो उनखां खबर पई वेंदी त बे॒ डींहुं कहिड़ा कमु करण जा आहिन. - हर कमु लाइ हिक वक़्तु मुक़ररु करयो जिअं पहिरियों क...

 पोस्टमार्टम (मूल अंग्रेजी कहाणी Post Mortem ) डॉ. कुमार चङा दफा हुन पोस्टमार्टम रिपोर्ट खे पढ़ियो । पोस्टमार्टम रिपोर्ट ते लिखयल अखर हुन जा जा॒तलि सुञातलि हुआ । हजारें दफा हुन इन्हे हैंडराइटिंग में लिखयल रिपोर्टूं सही कयू हून्दियूं । मुहिंजू अखियूं धोखो न थियूं खाई सघन । हा ही पक मेमन ई आहे हू मन ई मन में सोचींदो रहियो। हुन उन्हें रिपोर्ट खे हथ में पक्को झले रखियो, हुन खे ड्रपु हुओ त मतां न रिपोर्ट वारो शख्स जिंदह थी वञे ऐं मुंखे गि॒चीअ खां अची पकड़े। डॉ. कुमार जो असिस्टंट मेमन चीर फाड़ घर में आयल लाशुन जो पोस्टमार्टम कंदो हुओ । हॉस्पिटल में जेके बि मुर्दा ईंदा हुआ उन्हन जो चीर-फाड़ करे, चङीअ तरह जांच करे, रिपोर्ट ठाहे अची डॉ. कुमार जे टेबल ते रखंदो हुओ। डॉ. कुमार बि हिकु दफो वरी लाश खे चेक करे, रिपोर्ट ते सही कंदो हुओ। मेमन हॉस्पिटल खां चङो परे हिक नंढड़े गोठ जो रहाकू हुओ। मेडिकल साइंस में डिप्लोमा कई हुअईं। डॉ. कुमार जे अचण खां चङो अगु खां ई हू हिन इस्पताल में लगो हुओ ऐं शुरूअ खां ई हुन खे हिन पोस्टमार्टम वारे कम ते लगायो वियो हुओ। मेमन खां अगु जेके बि माण्हू हिन डिपार्टमेंट में...

तुंहिंजो मुंहिंजो हिंअर कोबि रिश्तो न आ, तूं जुदा थी विएं, छा ही सुपिनो न आ। पंहिंजे अंदर जी सुधि, हू पवणु कीन डि॒ए, हुनजे घर में लग॒लु को झरोको न आ। तो त पत्थर हंयो, मोट कहिड़ी डि॒यां, सिर्फु गुलु आ, हथनि में सिरोटो न आ। मुंहिंजू चीख़ूं बुधी, बार छो था मिड़नि, दांहं घोरारूअ जो को ई होको न आ। डा॒हो थी, छडि॒ खणी, ईअं भाकुरु न पाइ, ही खुलियलु रस्तो आ, बंदि कमिरो न आ। कंहिं चयो पे त मूं वटि न आहे ज़ुबान, सचु चई थो सघां, पर मोक़ो न आ। आख़िरी शाख़ भी, अजु॒ छिजी॒  धार थी, को छणियलु वणु कड॒हिं छांव डीं॒दो न आ। भलि त चप मेणि जा, हौसिलो आ बुलंदु, सिजु चुमी थो सघां पर हू वेझो न आ। सोचीं नुक़सान ऐं फ़ाइदा ई रुगो॒, दोस्ती वाणिए जो कोई  लेखो न आ। को मञे  ई नथो, सभु पुछी पक था कनि, हाणे कंहिंखे 'कमल'  ते  भरोसो न आ - गोप कमल  (सिज अगि॒यां बु॒कु किताब मां )