तुंहिंजो मुंहिंजो हिंअर कोबि रिश्तो न आ,
तूं जुदा थी विएं, छा ही सुपिनो न आ।
पंहिंजे अंदर जी सुधि, हू पवणु कीन डि॒ए,
हुनजे घर में लग॒लु को झरोको न आ।
तो त पत्थर हंयो, मोट कहिड़ी डि॒यां,
सिर्फु गुलु आ, हथनि में सिरोटो न आ।
मुंहिंजू चीख़ूं बुधी, बार छो था मिड़नि,
दांहं घोरारूअ जो को ई होको न आ।
डा॒हो थी, छडि॒ खणी, ईअं भाकुरु न पाइ,
ही खुलियलु रस्तो आ, बंदि कमिरो न आ।
कंहिं चयो पे त मूं वटि न आहे ज़ुबान,
सचु चई थो सघां, पर मोक़ो न आ।
आख़िरी शाख़ भी, अजु॒ छिजी॒ धार थी,
को छणियलु वणु कड॒हिं छांव डीं॒दो न आ।
भलि त चप मेणि जा, हौसिलो आ बुलंदु,
सिजु चुमी थो सघां पर हू वेझो न आ।
सोचीं नुक़सान ऐं फ़ाइदा ई रुगो॒,
दोस्ती वाणिए जो कोई लेखो न आ।
को मञे ई नथो, सभु पुछी पक था कनि,
हाणे कंहिंखे 'कमल' ते भरोसो न आ
- गोप कमल
(सिज अगि॒यां बु॒कु किताब मां )
टिप्पणियाँ
एक टिप्पणी भेजें