१)
मां अकेलो हुजां इऐं कड॒हिं कोन थिए
तुहिंजे नेणनि जो जोड़ो सदा गडु॒ हुजे
- वासदेव मोही
२)
हुयुस जेकी दिलमें चवे हा, त छा हो
करे गा॒ल्हि पूरी उथे हा, त छा हो
- कैलाश शादाब
३)
बे॒ड़ी काग़ज जी तारी आ
तड॒हिं खां तोसां यारी आ
रांदियूं रूंदियूं ऐं ठेंग टुपा,
सिलसिलो अञा उहो जारी आ
-श्रीचंद दुबे 'जिगरी'
४)
की खिलाया बि॒यनि खे, अव्हीं पिण खिलो
टहिक जो टहिक सां जिअं जुड़े सिलसिलो
जे नथा गडु॒ हलो, जे नथा हथु डि॒यो
थोरो ओरे अचो, जिअं वधे हौसिलो
- मोती प्रकाश
५)
गुज़िरीअ खे करे यादि वरियो आहि न वंरदो
हर फीक्र जे दामन खां छडायो त अचे निण्ड
डु॒ख दर्द जी दुनिया जी हकिकत खे भुलाए
हिक ख़्वाब मां बि॒यो ख़्वाब उणायो त अचे निण्ड
- वासदेव निर्मल
६)
लगा॒ जे दाग़ दर्द जा, लिकाइजिन त मुर्क सां
मगर जे मुर्क दर्द जो करे बयान, छा कजे
सुंदरी उत्तमचंदाणी
७)
हू ठही पो वरी था विढ़नि पाण में
डोर सां कहिं ब॒धल था लगनि पाण में
कीन सम्झी सघिया हिक बि॒ए खे कड॒हिं
हिक पिरोली ठही था रहनि पाण में
- विनोद आसूदाणी
८)
वैद्य मुआ रोगी॒ मुआ, मुओ सकल संसार
कबीर हिकड़ो ना मुओ, जंहिंजो राम आधार
मनड़ो मुओ ममता मुई, अहम छुटी थियो धार
जोगी॒ राम में लिन थियो, भस्मीअ तां ब॒लिहार
- कबीर
(तरजूमो : कमला गोकलाणी)
९)
अख्यिुन् जी अख्यिुन् सां गुज़ारिश वणे थी
भले आहे साज़िश, ही साज़िश वणे थी
- कैलाश शादाब
१०)
तोखां अगि॒या त मूंखे किथे वञणू ही न हो
तोखां अगि॒या बि केतिरा रस्ता खुलिया हुआ
- गिरीश पोपट 'गुमान'
११)
अफ़सोसु ! रहियो कुझु बि मज़ो कीन चमन में
बुलबुलि लै रही काई मुहब्बत न गुलनि में
बीमार मुहब्बत जो पुछे हालु न थो को
मशग़ूल आ हर कोई फ़क़ति पंहिंजे कमनि में
परसराम ज़िया
१२)
रहे प्यारु दिलि में चपनि ते दुआ
कड॒हिं कीन कंहिं लै बि नफ़रत रहे
वतन जे भले लै मरण लाई 'पीआ'
सदा दिलि में शौक़े शहादत रहे
- हासाराम पीआ
१३)
ख़ुशनुमा वरी हीअ शाम थी वञे
अजु॒ त तुंहिंजो क़लाम थी वञे
प्यारु ई प्यारु हर तरफ फैले
अहिड़ो को इंतजाम थी वञे
- नन्द कुमार सनमुखाणी
१४)
दिल में दिल समाए डि॒सु
फूल गुलाबी महकाए डि॒सु
टिड़ंदो छो न मुखु गुलाबी
मिठो मिठो मुस्कुराए डि॒सु
- लछमण हर्दवाणी
१५)
कुछिजां न कड॒हिं सज॒णी! सभ सूर सही वञिजां
बेदर्द जमाने जे दर्दनि सां ठही वञिजां
मूं सेज सजाई आ, अखिड़ियुनि जे सितारनि जी
हिन सेज मथे चाहीं, हिक राति रही वञिजां
- प्रेम पिताफ़ी
१६)
फक़त ही जिंदगी जज़्बन संदी कारीगरी आहे
कड॒हिं तो सां मुहब्बत आ, कड॒हिं तो सां शिकायत आ
- कैलाश शादाब
१७)
पोई हू माण्हू कडहि कहिजा थियन था
हिक दफो जेके सियासत जा थियन था
- गिरीश पोपट 'गुमान'
१८)
किथे माण्हू अहिड़ा, डि॒ठे मनु ठरे
हिते चाल शतरंज जी हरको हले
खीमन मूलाणी
१९)
ग़लती मुहिंजी हुई न काई
पोइ बि आयुसि दड़का खाई
नफरत कंहिं सां कीअं कबी आ
गा॒ल्हि इहा पंहिंजन समुजाई
- कन्हैयालाल मोटवाणी 'मांदो'
२०)
को दरवाजो कहिंजो खुले ई नथो
हिते केरु कहिंखे वणे ई नथो
हिते सारी बस्ती उघाड़नि जी आ
तड॒हिं केरु कंहिंते खिले ई नथो
- कनयो शेवाणी
२१)
अखियूं ही अनोखियूं किथां यार पातियूं
कड॒हिं मुस्कुराइन, कड॒हिं जणु त कातियूं
- नारी लछवाणी
२२)
हुन खे इहोई ज़िदु , त पुराणो हिसाबु आ
मूंखे रुआरे खेसि बि कहिड़ी खुशी मिली
- गोप कमल
२३)
उदासियुनि जे झंगल में केडो॒ रुलां थो
मिले को त निकिरण जो रस्तो, लुछां थो
- गोप कमल
२४)
का बि पी डि॒सु नदी, मिठी लगं॒द॒ई
पोई ही समुंड कींअ खारो थियो
- गोप कमल
२५)
अहिड़ो तुंहिंजे मोह में फ़ाथुस
जण कंहिं सुहिणे डोह में फ़ाथुस
तुंहिंजी मुंहिंजी सिक-छिक अहिड़ी
जण चकमक़ थी लोह में फ़ाथुस
- श्रीचंद दुबे
२६)
सोचे सोचे थकजी पईजे
तहिंखां छोन खणी सच चईजे
- श्रीचंद दुबे
टिप्पणियाँ
एक टिप्पणी भेजें