चेकबुकु रोज़ु सुबुह जियां अम्बीबे॒न जा गीता ऐं रीटा खे उथारिण लाइ वाका जारी हुआ। सिजु चड़िही आयो आहे, ही खट छडी॒न ई कोन थियूं, होडां॒हं हिनन जूं आंटियूं थोरी देर थियण ते हो हा मचाईदियूं, माई कान आई आहे, माई कान आई है, सजी॒ सोसाइटीम खे फ़ोन फिरी वेंदा । हिनन महाराणियुनि खे त पंहिंजी इज्जत जी पेई कान्हे, मुंखां त हिन उम्र में कंहिंजी तूतारी कान ती बु॒धी वञे, अड़े ओ गीताड़ी, उथ हाणे! रीटाली! हुन जी नासुनि में गिलोड़नि खे तरो लग॒ण जी गं॒धि आई त हुन डोड़ी कोठीअ जी कुंड में ब॒रंदड़ि इस्टिव जो बा॒रण घटि कयो, देग॒ड़े में केवी घुमाई। हुन रमणे जी खंघकार बुधी । हू मंजीअ ते ऊँधो थी सुम्हियो पियो हो । हुनजी गहिरी निंड मां लग॒सि त अञा कंतरीअ (देसी दारु) जो असरु लथो कोन हुअसि । काम का न काज का, ढाई लिटर दारु का, हुन सोचियो । हू सिर्फ ब॒ कम ई कंदो आहे, रोज़ु पैसनि लाइ मूं सां हथु आज़माइणि ऐं कहिं तरह, बारहनि घरनि में हड टोड़े बासण बु॒हारी करे आंदल मुहिंजनि किन नोटन ते क़बज़ो जमाऐ कंतरीअ जूं थेल्हियूं डो॒घणि, हिन जो सोच जारी रहियो । हिन याद करण जी कोशिश कई, कडहिं खां, याद कोन आयुसि । हुन खे लगो॒ त हुनजी...
तमाम सुकून भरी रचना । मूंखे नारायण श्याम जी हर रचना वणंदी आहे।
जवाब देंहटाएं